近年來，隨著美國國力持續下滑，美國唯我獨尊同霸權主義更加強橫，並且就連佢盟友嘅安全保證同經濟實惠都唔顧及，自然佢嘅盟友對美國嘅依賴同信任亦喺到逐漸減弱。哩次美國召開嘅所謂「民主峰會」，其實就係唯我獨尊同霸權主義嘅一種形式，以冷戰思維來對待佢哋認為嘅威脅，以自我為中心，只求一己私利，喺世界上煽動意識形態對立同矛盾、製造新形式嘅分裂，美國「民主峰會」硬係將世界唔同國家一分為二，唔係盟友或夥伴，就係對手，將唔同國家劃分為「民主」同「非民主」兩個對立陣營，漠視各國嘅歷史文化傳統同發展道路嘅多元化以及利益同立場嘅唔同、各國人民對政治體制嘅唔同選擇。

   美國哩次「民主峰會」更係滑天下之大稽，竟然邀請咗羅冠聰，羅冠聰係乜人？佢係被香港警方通緝嘅逃犯，係畏罪潛逃嘅反中亂港分子，係「港獨」組織香港眾志嘅首腦之一，曾因發動非法「佔中」被法院依法判囚，喺2019年香港爆發嘅「修例風波」中，羅冠聰夥同其他亂港分子鼓吹煽動「黑暴」，造成暴徒肆意打人、磚頭殺人、火燒活人，破壞香港嘅法治，危及香港嘅主權安全，香港社會飽受創傷，令市民深受其害，苦不堪言，回憶起前兩年黑暴時期嘅一幕幕仍心有餘悸，並且喺立法會選舉之際，身在海外仍喺網上煽動選民「投白票」「唔投票」或「投無效票」。羅冠聰觸犯《香港國安法》，卻公然棄保潛逃，毫無誠信可言，喺潛逃英國後，又繼續甘做外部反華勢力嘅「提線木偶」，喺美國一啲反華政客嘅授意下，大放厥詞，顛倒黑白，罔顧事實，褻瀆正義同法治，詆毀國家及抹黑《香港國安法》同新選舉制度，一個長期勾結外部反華勢力干涉中國內政同干預香港事務之人，一個罔顧國家同香港市民利益乞求外國政府或議會制裁國家同香港之人，一個逃犯，一個出賣國家嘅叛國者，居然大談民主，簡直係諷刺。而美國嘅「民主峰會」卻將羅冠聰奉為座上賓，美國嘅險惡用心昭然若揭，點解拜登唔邀請國會山莊騷亂嘅「英雄」呢？反而羅冠聰卻成為「民主峰會」嘅座上賓，哩次「民主峰會」講成「反民主峰會」更確切啲。

   羅冠聰以為得到咗美國政客嘅青睞，講到底佢只不過係裹啲外部反華政客嘅「扯線木偶」，有用裹陣被奉為座上賓，無用裹陣就會被遺棄，哩次羅冠聰可以被邀列席美式「民主峰會」，無非係因為香港立法會將於本月19號舉行選舉，美反華政客需要利用羅冠聰攻擊破壞哩次選舉。羅冠聰喺香港帶頭破壞民主，香港社會嘅撕裂有佢嘅「功勞」，極大嘅影響香港市民嘅正常工作、學習同生活，為咗一己私利，陷國家與香港於不義，貼着叛國者嘅標籤，潛逃海外嘅逃犯有乜資格代表香港傾所謂嘅「民主」？美國以自己「民主、人權」嘅「優越感」一直以來不斷干涉中國內政同干預香港事務，將自己「美式民主」強加於中國，對香港事務講三講四、指手畫腳，仲不擇手段咁不斷伸出幕後黑手破壞香港第七屆立法會選舉。

   香港嘅選舉制度係根據香港嘅歷史背景同實際情況而改革嘅，香港係中國嘅香港，係中國不可分割嘅一部分，新選舉制度係喺落實「一國兩制」原則嘅基礎上構建嘅，係對香港長遠嘅政治、經濟、社會同民生髮展有利嘅政治制度，係符合香港嘅需要同香港人嘅根本利益嘅，本月19號嘅第七屆立法會選舉充分體現咗廣泛代表性、政治包容性、均衡參與性以及公平競爭性，哩啲都係前所未有嘅，講明新選舉制度先係民主嘅。喺新選舉制度中「愛國者治港」絕唔係「清一色」「單聲道」，宜家香港已由亂轉治，並踏上由治及興嘅新征程，新選舉制度使香港選舉回歸良性競爭，真正實現咗為香港市民謀實惠、謀福祉，美國自暴佢哋短撐「反民主」逃犯嘅「民主峰會」只會貽笑大方，令人鄙視。

（2021/12/12 发表）