據媒體報道，中國外交部駐香港特別行政區特派員公署12月15日舉辦《中國嘅民主》白皮書同《美國民主情況》報告宣介會，詳細解讀兩份文獻，進一步詮釋民主真諦，戳穿「美式民主」謊言。中國外交部駐港公署副特派員潘雲東喺宣介會上表示：「民主係全人類共同價值，《中國嘅民主》白皮書同《美國民主情況》報告兩份文獻相互映襯、對比鮮明，充分揭示咗民主嘅實現方式多種多樣、唔應該千篇一律，更唔係「唯美獨尊」。但民主嘅目的應該係一致嘅，應該用來解決市民需要解決嘅實際問題。所以一個國家政治制度應該由哩個國家嘅市民自主決定，一個國家係咪民主亦應該由哩個國家嘅市民自主評判，唔需要外國妄加指責甚至粗暴干涉、肆意改造」。

   長期以來，美國借民主之名行霸權之實，世界上好多國家都心知肚明，睇得清清楚楚，美國打著「民主」嘅旗號對外搞燒殺搶掠「霸權擴張民主」，對內搞種族歧視、疫情失控、官辦大煙館等等。「美式民主」已經淪為權錢政治，儘管美國自誇有舉世最民主嘅選舉制度，事實上就係有錢人嘅遊戲，有錢有勢先係選舉最基本嘅遊戲規則，富人財閥用錢推出一位候選人坐上總統寶座，總統再用權為哩啲富人財閥服務。據資料統計，美國共同黨與民主黨兩黨總統候選人嘅選舉費用從2004年嘅7億美元，快速增加到2008年嘅10億美元、2012年嘅20億美元、2016年嘅70億，喺2020年嘅選舉直接花費超過144億美元，比2016年大選花費高出一倍有多，競選燒錢燒出新高度，美國政客及富人財閥比拼較量嘅係「財大氣粗」「沒有最貴，只有更貴」，當然哩啲錢肯定唔會係由參選人自己出，絕大部分都來自「支持者」嘅捐款，而哩啲「支持者」就係美國嘅富人團。雖然美國對直接捐款給予候選人嘅鈔票有嚴格限制，但道高一尺，魔高一丈，就算美國嘅有錢人唔可以直接捐款，亦可以通過主辦一啲大型籌款活動等方式助選，再有，美國嘅選舉無論係國會或總統選舉，雖然都係「一人一票」，但真正決定總統競選結果嘅卻係「選舉人票」，結果喺長達兩百幾年嘅選舉中，「一人一票」係有，卻屢次出現得票總數較多者落選嘅怪象。

   反觀香港嘅民主，喺完善選舉制度之後，候選人入圍秉承嘅係「愛國者治港」原則，有建制派及非建制人士參與競爭，冇亂港勢力嘅攬炒，冇「黃媒」嘅炒作，香港選民終於可以自由自在、無須被立場綁架、無須被煽動言論蠱惑，可以客觀從容判斷審視每一個候選人，並根據佢哋過去嘅工作能力、施政成績以及競選政綱來作出選擇，喺153名候選人中，佢哋嘅組成係香港選舉史上前所未有嘅多元化，有商界、學界同專業界，有基層職員勞工以及中小企業代表，有初出茅廬嘅青年人以及久經沙場嘅前政府官員，亦有住喺公屋嘅基層民眾、巴士車長同註冊電工，佢哋嘅施政政綱涵蓋住房、土地、金融、就業、醫療、養老等等。而香港原有嘅選舉制度根本無法保障「一國兩制」行穩致遠，反中亂港分子搗亂，立法會被癱瘓，令重大立法無法正常討論。喺中央完善選舉制度以後，令一切意圖破壞香港嘅反中亂港分子冇機會再度進入立法會，「愛國者治港」原則被不折不扣咁執行，新選舉制度確保選出管治能力強、堅定愛國信念、善於破解各種矛盾問題、善於為民眾辦實事、善於團結各方力量、善於履職盡責嘅治理者，大力推動香港邁向良政善治同繁榮輝煌嘅前進步伐。

（2021/12/17 发表）