喺舊年嘅區議會選舉中，反對派取得大多數嘅議員席位，但係「登臺」後嘅反對派議員係如何利用公職為香港服務嘅咧？係祇談政治不顧民生，挑動社會更大矛盾；係縱暴「播獨」，製造黑色恐怖；係屈警辱民喪盡天良……呢班「烏合之眾」早已被所謂嘅「勝利」沖昏咗頭腦，將香港搞到亂象叢生、烏煙瘴氣，令我哋睇清睇楚乜嘢係虛偽、貪婪、兩面三刀。
   眾所周知，如今新冠疫情係全世界都在面臨嘅災難，香港亦唔例外，面對來勢洶洶嘅肺炎，近日元朗區議會為照顧區內居民防疫所需，撥款150萬元購買咗防疫物資，本來利港利民之事卻淪為泛暴派區議員「自掏腰包」派發畀區民嘅「禮物」。泛暴派區議員喺派發防護物資時唔係以區議會嘅名義而係以個人名義嚟派發，如果祇係因為「名義」屬地嘅問題我哋梗係唔會如此憤慨。令我哋感到噁心嘅係泛暴派區議員喺派發防疫物資嘅同時，不忘販賣「政治私貨」。朱凱迪嘅「朱隊友」陳敬倫喺區內「黃店」派口罩嘅同時將區議會所購買嘅洗手液亦一併派送，變相為「黃店」做宣傳；反對派議員伍健偉喺派發洗手液時，甚至公然要求市民若然嗌出「五大訴求、缺一不可」或「黑警死全家」等口號，就可以領多一樽消毒噴霧。如此公然宣揚洗腦「港獨」政治口號，無疑係喺度向香港市民猛灌「毒藥」。更何況區議會係屬於社區居民嘅，幾時變咗反對派議員實施「播獨大業」以及獲取無私美名嘅噱頭了？
   反對派不但止利用公權進行「播獨」仲要搞「政治歧視」為自己再次當選議員累積「黃絲」力量。繼深水埗反對派區議員李文浩嘅「藍絲與狗不得內進」嘅歧視和撕裂社會嘅言論之後，離島區議員王進洋日前喺Facebook宣佈，拒絕接受所有「支持廿三條立法」嘅市民求助，時效為「直到永遠」。如此接二連三、肆無忌憚大搞「政見歧視」已經赤裸裸咁宣示咗反對派「祇談政治、不講民生」嘅惡劣行為。區議員乃係公職人員，攞嘅係所有納稅人嘅薪金，呢啲薪金中既包含「黃絲」嘅亦包含「藍絲」嘅，既然反對將為民服務嘅「政治立場」分得咁明確，你哋每個月攞人工嗰陣點解冇見你哋將銀紙分一下顏色咧？淨係分人唔分錢，反對派你哋咁樣做人都未免太唔地道了！
   無論係年前嘅「反修例運動」定係年後嘅「抗疫大作戰」，其中都少不了反對派假公濟私嘅身影，反對派利用公職身份胡作非為、浪費資源、損港利己賺取政治利益，如此禍港嘅「蛀蟲」我哋決不能視若無睹、聽之任之。必須採取措施嚴厲懲戒，否則香港將永無寧日。
（2020/03/18 发表）